கொங்கு வழக்கில் கொடி/ ஒறம்பரெ

முனைவர் ப. கொழந்தசாமி, அரசினர் ஆய்வு நிறுவனம், புதுச்சேரி.

தொல்காப்பிய எச்சவியலின் முதல் நூற்பா, தமிழ் மொழியின் பன்முகத் தன்மையை/ வட்டார வழக்கை,

                        இயற்சொல் திரிசொல் திசைச்சொல் வடசொல் என்று

                       அனைத்தே செய்யுள் ஈட்டச் சொல்லே

என்று சொற்பிறப்பியல் நோக்கில் சுட்டுகின்றது. இதனால் பழங்காலத்திலிருந்தே பொதுத் தமிழும் வட்டார வழக்குகளும் இயல்வது தெளிவு. இந்தப் போக்கு இன்று வரை தொடர்ந்து, தமிழின் சொற்களஞ்சியம் விரிவடைந்து, பொருண்மை ஆய்வுக்கு இலக்காகி, வட்டார வழக்குச் சொற்களின் பொருண்மையை அறிவது தேவையாகின்றது. இக் கட்டுரை கொடி என்னும் பழம்பொதுச் சொல் கொங்கு வட்டாரத்தில் பொது வழக்குடன் கூடுதலாகத் தங்கத் தாலி என்னும் சிறப்புப் பொருளில் ஆளப்படுவதை எடுத்துரைப்பதாக இயல்கின்றது.

கொடி : சொற்பொருள் :

செந்தமிழ்ச் சொற்பிறப்பியல் பேரகரமுதலி, கொடி என்னும் ஒன்றன்பால் பெயருக்கு,

படர் கொடி, ஆடை உலர்த்துங்கொடி, கொப்பூழ் கொடி,  மகளிர் கழுத்தணி, அரைஞாண் கொடி, சிறு கிளை வாய்க்கால்,  துணிக் கொடி (இரண்டாம் மடலம்; மூன்றாம் பாகம், பக்.158,159 ),

போன்ற பொருளைத் தருகின்றது. சென்னைப் பல்கலைகழகத் தமிழ்ப் பேரகராதியும் இவ்வாறு சுட்டுகின்றது.

             தாலிக்கொடிக்குத் தங்கம் வாங்கப் போகின்றோம் என்பதைக் கொங்கு நாட்டில்,

                       கொடிக்குப் பவுனு வாங்க நகக் கடைக்கிப் போறொ

என்று பேசுகின்றனர்.  இதில் கொடி என்பது தங்கத்தாலான தாலிக் கொடியைக் குறிக்கின்றது. மஞ்சள் தடவிய கயிற்றாலான தாலியைத் தாலிக் கயிறு என்று சுட்டுகின்றனர்.

            இவ்வாறே உறவின்முறை என்பதை ஒறம்பரெ என்று ஆள்கின்றனர்.

                          எங்க வூட்டுக்கு இன்னக்கி ஒறம்பரெ வாராங்க

 என்று பேசுகின்றனர். இத்தகைய கொங்கு வட்டாரச் சொற்களை அறிந்தால் மொழி வளமும் புரிதிறனும் பண்பாட்டு மேன்மையும் சமூக ஒற்றுமையும் வசப்படும்.

பயன்பட்டது

                                        தமிழ் இணையக் கல்விக் கழக மின்னூலகம்

                                                கட்டுரையாளர் கொங்கு நாட்டினர்

                                                               **********

 

 

        

 

 

 

Comments

Post a Comment

Popular posts from this blog

தற்காலப் பொருண்மையியல் ஆய்வுக்குத் தொல்காப்பியத்தின் கருத்தளிப்பு

Image
        தற்காலப் பொருண்மையியல் ஆய்வுக்குத் தொல்காப்பியத்தின் கருத்தளிப்பு                                       ( முனைவர் ப. கொழந்தசாமி, புதுச்சேரி-605 008. பேச: 94863 66572 .)         தமிழின் தொன்மையான / தலைமையான இலக்கண நூலாம் தொல்காப்பியத்தில் எழுத்து சொல் ஆகிய அதிகாரங்களில் தமிழ் மொழியின் அமைப்புகளும் அவற்றின் இயங்கு முறையும், பொருளதிகாரத்தில் இலக்கியப் பொருண்மையும் விளக்கவியல் பாங்குடன் எடுத்துரைக்கப்பட்டுள்ளன. எழுத்து, சொல்   தொடர் ஆகியவற்றின் இலக்கணங்களை விளக்கும்போது மொழிப் பொருண்மைச் செய்திகள் ஆங்காங்கே தொல்காப்பியத்தில் சுட்டப்பட்டுள்ளன. இது குறித்துத் தொல்காப்பிய உரைகளில் காணப்படும் கருத்துகளையும் ஆய்வுக் கட்டுரைகள்/நூல்கள் கூறும் செய்திகளையும் தொகுத்து வகைதொகைப்படுத்தித் தனியான/முழுமையான ஆய்வை மேற்கொண்டால் அது இலக்கண இலக்கியப் புரிதிறனுக்கும் படைப்புக்கும் ஆய்வுக்கும் உறுதுணையாகும். மேலும் தமிழ் மொழிப்பொருண்மைக...
Read more
                                          பழந் தமிழில் ’நுனி’- கருத்தாய்வு ப. கொழந்தசாமி, அரசினர் ஆய்வு நிறுவனம், புதுச்சேரி உயர்தனிச் செம்மொழியான தமிழ் நீண்டு பரந்த வரலாற்றைக் கொண்டது. ஆயினும் பழந் தமிழ் வழக்காற்றை இன்றும் புரிந்துகொள்கின்ற வாய்ப்பும் உள்ளது. அந் நிலையில் ’நுனி ’ என்னும் மரத்தின் முனைப் பகுதியாக அமைகின்ற உறுப்பைக் குறிக்கின்ற ஒன்றன்பால் சினைப் பெயர் தொல்காப்பியம், சங்க இலக்கியம், திருக்குறள் ஆகியவற்றில் இயல்கின்ற பான்மையை எடுத்துரைப்பதாக இக் கட்டுரை அமைகின்றது. இதனால் பழந் தமிழ்ச் சொல்லாட்சியையும் அதன் பொருண்மைத் தொடர்ச்சியையும் அறியலாம். நுனி: சொற்பொருள் :             முதல், சினை என்று ஓர் உலகப் பொருள் இரண்டு நிலைகளில் வகைப்படுத்திப் பெயரிடப்படுகின்றது.  முதல் சினை உறவைத் தொல்காப்பியம் வேற்றுமை இலக்கணத்தில் விளக்குகின்றது. பொருண்மையியலிலும் இது ஆயப்படுகின்றது. சான்றாக,     ...
Read more
                                        பண்டு – நிலை மாற்றப் பொருண்மை புதுவை குழந்தைசாமி , பஞ்சலிங்கபுரம்                 தொல்காப்பியம் காலத்தை இறப்பு, நிகழ்வு, எதிர்வு என்று மூன்றாகப் பகுக்கின்றது.  இது இலக்கண விளக்கம் மட்டுமன்று; வாழ்வியல் விழுமியமும் ஆகும். அதாவது சென்ற கால மேன்மை தொடருமா ? மாறுமா?, மாற்றம் முன்னேற்றமாகுமா? போன்ற எண்ணங்கள் நிலையானவை; அனைவருக்கும் அனைத்திற்கும் பொருந்துபவை. இத்தகைய உலகளாவிய மாற்ற நிலையைக் காஞ்சி த் திணையில் தொல்காப்பியம் சுட்டுகின்றது. முன்னைய நிலையைச் சுட்ட முன்பு, பண்டு போன்ற சொற்கள் வழக்கிலும் செய்யுளிலும் தொன்றுதொட்டு ஆளப்படுகின்றன. இக் குறிப்புரை பண்டு என்னும் சொல்லால் வள்ளுவம் முன்னைய நிலை மாறியதைப் பதிவதை வெளிப்படுத்துகின்றது. காமத்துப்பாலில், பண்டறி யேன் கூற்றென் பதனை இனியறிந்தேன் பெண்டகையால் பேரமர்க் கட்டு (1083) நாணொடு நல்லாண்மை பண்டு டையேன் இ...
Read more