ஆம்/ போம் : மண்ணில் நல்லவண்ணம் வாழ நல்வழி

Voice against PROCRASTINATION

புதுவை குழந்தைசாமி, பஞ்சலிங்கபுரம்

பெருமை சான்ற மானுட வாழ்க்கை பிறப்புக்கும் இறப்புக்கும் இடைப்பட்டதாகும்; ஆனால் இறப்பு எப்போது நேரும் என்று கணிக்கவியலாது. அதனால் ஒவ்வொரு நாளையும் நல்வாய்ப்பாக நிறைவாக அமைத்துக்கொண்டு கடமையாற்றவேண்டும் என்பது அறநெறி/ உயரிய வாழ்க்கை முறை / மானுட இயங்கியல்.  சோம்பலால் தள்ளிப்போடல் தவறான பழக்கமாகும் என்பதை,

அன்றறிவாம் என்னாது அறஞ்செய்க; மற்றது
பொன்றுங்கால் பொன்றாத் துணை ( குறட்பா 36 )

என்னும் திருக்குறள் வலியுறுத்துகின்றது. பிறகு செயலாற்றலாம் என்று எண்ணாமல் திட்டமிட்டு உடனுக்குடன் உயர்வை வாய்ப்பாக்கலாம். இயலாமையைப் புறந்தள்ளி ஆக்கத்தை வாய்ப்பாக்கலாம். இது தனிமனித முன்னேற்றத்திற்கும் சமூக மேம்பாட்டுக்கும் புதியன கண்டுபிடித்தலுக்கும் மானுட வெற்றிக்கும் அடித்தளமாகும். இத்தகைய ஆக்கக் குரல்,

புண்ணியம்ஆம் பாவம்போம் போனநாட் செய்தஅவை
              மண்ணில் பிறந்தார்க்கு வைத்தபொருள்-எண்ணுங்கால்
              ஈதொழிய வேறில்லை எச்சமயத் தோர்சொல்லுந்
              தீதொழிய நன்மை செயல்( நல்வழி, பா 01 )

என்று ஒப்பீட்டு நோக்கில் அவ்வையாலும் ஒலிக்கப்பட்டுள்ளது.  இப் பாடலில் புண்ணியம் என்பது ஆக்கத்தையும், பாவம் என்பது அழிவையும் கருதுகின்றன. ஒவ்வொரு மனிதனும் அவன் செய்கின்ற செயல்களால் மதிப்பிடப்படுவதால், நன்மை செய்வதில், கடமையாற்றுவதில் தவறலாகாது; சோம்பலால் காரணமின்றித் தள்ளிவைக்கலாகாது. இத்தகைய நல்வழியை அனைவரும் கைக்கொண்டால் உறுதியாக மண்ணில் நல்லவண்ணம் வாழலாம்.

நன்றி : இணையத் தரவுகள்                                              *******

Comments

Post a Comment

Popular posts from this blog

தற்காலப் பொருண்மையியல் ஆய்வுக்குத் தொல்காப்பியத்தின் கருத்தளிப்பு

Image
        தற்காலப் பொருண்மையியல் ஆய்வுக்குத் தொல்காப்பியத்தின் கருத்தளிப்பு                                       ( முனைவர் ப. கொழந்தசாமி, புதுச்சேரி-605 008. பேச: 94863 66572 .)         தமிழின் தொன்மையான / தலைமையான இலக்கண நூலாம் தொல்காப்பியத்தில் எழுத்து சொல் ஆகிய அதிகாரங்களில் தமிழ் மொழியின் அமைப்புகளும் அவற்றின் இயங்கு முறையும், பொருளதிகாரத்தில் இலக்கியப் பொருண்மையும் விளக்கவியல் பாங்குடன் எடுத்துரைக்கப்பட்டுள்ளன. எழுத்து, சொல்   தொடர் ஆகியவற்றின் இலக்கணங்களை விளக்கும்போது மொழிப் பொருண்மைச் செய்திகள் ஆங்காங்கே தொல்காப்பியத்தில் சுட்டப்பட்டுள்ளன. இது குறித்துத் தொல்காப்பிய உரைகளில் காணப்படும் கருத்துகளையும் ஆய்வுக் கட்டுரைகள்/நூல்கள் கூறும் செய்திகளையும் தொகுத்து வகைதொகைப்படுத்தித் தனியான/முழுமையான ஆய்வை மேற்கொண்டால் அது இலக்கண இலக்கியப் புரிதிறனுக்கும் படைப்புக்கும் ஆய்வுக்கும் உறுதுணையாகும். மேலும் தமிழ் மொழிப்பொருண்மைக...
Read more
                                          பழந் தமிழில் ’நுனி’- கருத்தாய்வு ப. கொழந்தசாமி, அரசினர் ஆய்வு நிறுவனம், புதுச்சேரி உயர்தனிச் செம்மொழியான தமிழ் நீண்டு பரந்த வரலாற்றைக் கொண்டது. ஆயினும் பழந் தமிழ் வழக்காற்றை இன்றும் புரிந்துகொள்கின்ற வாய்ப்பும் உள்ளது. அந் நிலையில் ’நுனி ’ என்னும் மரத்தின் முனைப் பகுதியாக அமைகின்ற உறுப்பைக் குறிக்கின்ற ஒன்றன்பால் சினைப் பெயர் தொல்காப்பியம், சங்க இலக்கியம், திருக்குறள் ஆகியவற்றில் இயல்கின்ற பான்மையை எடுத்துரைப்பதாக இக் கட்டுரை அமைகின்றது. இதனால் பழந் தமிழ்ச் சொல்லாட்சியையும் அதன் பொருண்மைத் தொடர்ச்சியையும் அறியலாம். நுனி: சொற்பொருள் :             முதல், சினை என்று ஓர் உலகப் பொருள் இரண்டு நிலைகளில் வகைப்படுத்திப் பெயரிடப்படுகின்றது.  முதல் சினை உறவைத் தொல்காப்பியம் வேற்றுமை இலக்கணத்தில் விளக்குகின்றது. பொருண்மையியலிலும் இது ஆயப்படுகின்றது. சான்றாக,     ...
Read more
                                        பண்டு – நிலை மாற்றப் பொருண்மை புதுவை குழந்தைசாமி , பஞ்சலிங்கபுரம்                 தொல்காப்பியம் காலத்தை இறப்பு, நிகழ்வு, எதிர்வு என்று மூன்றாகப் பகுக்கின்றது.  இது இலக்கண விளக்கம் மட்டுமன்று; வாழ்வியல் விழுமியமும் ஆகும். அதாவது சென்ற கால மேன்மை தொடருமா ? மாறுமா?, மாற்றம் முன்னேற்றமாகுமா? போன்ற எண்ணங்கள் நிலையானவை; அனைவருக்கும் அனைத்திற்கும் பொருந்துபவை. இத்தகைய உலகளாவிய மாற்ற நிலையைக் காஞ்சி த் திணையில் தொல்காப்பியம் சுட்டுகின்றது. முன்னைய நிலையைச் சுட்ட முன்பு, பண்டு போன்ற சொற்கள் வழக்கிலும் செய்யுளிலும் தொன்றுதொட்டு ஆளப்படுகின்றன. இக் குறிப்புரை பண்டு என்னும் சொல்லால் வள்ளுவம் முன்னைய நிலை மாறியதைப் பதிவதை வெளிப்படுத்துகின்றது. காமத்துப்பாலில், பண்டறி யேன் கூற்றென் பதனை இனியறிந்தேன் பெண்டகையால் பேரமர்க் கட்டு (1083) நாணொடு நல்லாண்மை பண்டு டையேன் இ...
Read more