”இசையும் அசையும்” – தொல்காப்பியத் தொடர்ப் பொருண்மைக் கொள்கை

புதுவை குழந்தைசாமி, பஞ்சலிங்கபுரம்

 

            உயர்தனிச் செம்மொழியாம் தமிழின் தொன்மை / விளக்கவியல் இலக்கணமான தொல்காப்பியம்  ஒவ்வொரு நூற்பாவிலும் தமிழ்ப் பொருண்மைக் கோட்பாட்டை வகுத்துரைக்கின்றது. அதன்படி பொருளதிகாரத்தின் ஐந்தாம்  இயலான பொருளியல் இலக்கியப் பொருண்மையை , அதாவது பாடலின் நுண்பொருளை அறியும் நுட்பத்தை இலக்கணவியல் / இலக்கியவியல் பாங்கில் எடுத்துரைக்கின்றது.

            தரவுகளின் அடிப்படையில் நுட்பமாக ஆய்ந்து நூலை ஆக்கியுள்ள தொல்காப்பியர்,  27 இயல்களுக்கும் கொள்கைவிளக்க நோக்கில் தலைப்பிட் டுள்ளார்.  இதை உரையாசிரியர்கள் தெளிவித்துள்ளனர். பொருளியலின் இயல் விளக்கத்தில், ‘சொல்லதிகாரத்தில் விளக்கப்பட்ட சொல்லிலக்கண மரபிலிருந்து மாறுபடுகின்ற இலக்கியச் சொற்றொடர்களுக்கும் முறையாக மரபுப்படி பொருள்கொள்வதை எடுத்துரைக்கின்ற பகுதி’   என்று இதை நச்சர் குறிப்பிடுவது நோக்கத்தக்கது.  இந்த இயலின் நூற்பாக் கருத்துகளும் இதை மெய்ப்பிக்கின்றன. இக் குறிப்புரையில் பொருளியலின் முதல் நூற்பாவான,

                இசை திரிந்து இசைப்பினும் இசையுமன் பொருளே

                அசை திரிந்து இசையா என்மனார் புலவர் 

என்பதில், இசை, அசை ஆகிய சொற்கள் சிறப்புப் பொருளில் பயில்கின்றன. இசை என்னும் சொல் பண்பாகுபெயராகச் சொல்லையும், அசை என்னும் சொல் தொழிலாகுபெயராகச் சொற்பொருட்கூறுகளான விகுதி முதலியவற்றையும்  சுட்டுகின்றன. ஓர் இலக்கியத் தொடரில் இலக்கண நிரலில் சொற்கள் அமையா விடினும் , அந்தப் பாடலின் அடிக்கருத்திற்கேற்பவும் விளம்பு பொருளின் அடிப்படையிலும் சூழல் கருதித் திரண்ட கருத்தைத் தெளியவேண்டும்; தொடரின் உறுப்புச் சொல்லமைப்பை  மட்டும் நோக்காமல் பாவின் கருத்தை உணரவேண்டும். இலக்கண அமைப்பைக் காட்டிலும் முறையான பொருண்மைத் தெளிவு தேவையானது என்னும் பொருண்மைக் கோட்பாடு இவண் வலியுறுத்தப்படுகின்றது. [இதோடு பொருள்கோளையும் ஒப்பலாம்] இது உலக இலக்கியப் பண்பாகும். இவ்வாறே இவ் இயலின் மற்ற நூற்பாக்களையும்  நோக்கலாம். இதனால் ஒவ்வொரு நூற்பாவிலும் தமிழ்ப் பொருண்மைக் கோட்பாட்டைத் தொல்காப்பியம் வகுத்துரைப்பதைத் தெளியலாம். மேலும் உரையாசிரியர்களின் தமிழ்ப் பொருண்மைப் புலமையையும் பங்களிப்பையும் போற்றலாம்.

                                 நன்றி: இணையத் தரவுகள்.                  *******

Comments

Post a Comment

Popular posts from this blog

தற்காலப் பொருண்மையியல் ஆய்வுக்குத் தொல்காப்பியத்தின் கருத்தளிப்பு

Image
        தற்காலப் பொருண்மையியல் ஆய்வுக்குத் தொல்காப்பியத்தின் கருத்தளிப்பு                                       ( முனைவர் ப. கொழந்தசாமி, புதுச்சேரி-605 008. பேச: 94863 66572 .)         தமிழின் தொன்மையான / தலைமையான இலக்கண நூலாம் தொல்காப்பியத்தில் எழுத்து சொல் ஆகிய அதிகாரங்களில் தமிழ் மொழியின் அமைப்புகளும் அவற்றின் இயங்கு முறையும், பொருளதிகாரத்தில் இலக்கியப் பொருண்மையும் விளக்கவியல் பாங்குடன் எடுத்துரைக்கப்பட்டுள்ளன. எழுத்து, சொல்   தொடர் ஆகியவற்றின் இலக்கணங்களை விளக்கும்போது மொழிப் பொருண்மைச் செய்திகள் ஆங்காங்கே தொல்காப்பியத்தில் சுட்டப்பட்டுள்ளன. இது குறித்துத் தொல்காப்பிய உரைகளில் காணப்படும் கருத்துகளையும் ஆய்வுக் கட்டுரைகள்/நூல்கள் கூறும் செய்திகளையும் தொகுத்து வகைதொகைப்படுத்தித் தனியான/முழுமையான ஆய்வை மேற்கொண்டால் அது இலக்கண இலக்கியப் புரிதிறனுக்கும் படைப்புக்கும் ஆய்வுக்கும் உறுதுணையாகும். மேலும் தமிழ் மொழிப்பொருண்மைக...
Read more
                                          பழந் தமிழில் ’நுனி’- கருத்தாய்வு ப. கொழந்தசாமி, அரசினர் ஆய்வு நிறுவனம், புதுச்சேரி உயர்தனிச் செம்மொழியான தமிழ் நீண்டு பரந்த வரலாற்றைக் கொண்டது. ஆயினும் பழந் தமிழ் வழக்காற்றை இன்றும் புரிந்துகொள்கின்ற வாய்ப்பும் உள்ளது. அந் நிலையில் ’நுனி ’ என்னும் மரத்தின் முனைப் பகுதியாக அமைகின்ற உறுப்பைக் குறிக்கின்ற ஒன்றன்பால் சினைப் பெயர் தொல்காப்பியம், சங்க இலக்கியம், திருக்குறள் ஆகியவற்றில் இயல்கின்ற பான்மையை எடுத்துரைப்பதாக இக் கட்டுரை அமைகின்றது. இதனால் பழந் தமிழ்ச் சொல்லாட்சியையும் அதன் பொருண்மைத் தொடர்ச்சியையும் அறியலாம். நுனி: சொற்பொருள் :             முதல், சினை என்று ஓர் உலகப் பொருள் இரண்டு நிலைகளில் வகைப்படுத்திப் பெயரிடப்படுகின்றது.  முதல் சினை உறவைத் தொல்காப்பியம் வேற்றுமை இலக்கணத்தில் விளக்குகின்றது. பொருண்மையியலிலும் இது ஆயப்படுகின்றது. சான்றாக,     ...
Read more
                                        பண்டு – நிலை மாற்றப் பொருண்மை புதுவை குழந்தைசாமி , பஞ்சலிங்கபுரம்                 தொல்காப்பியம் காலத்தை இறப்பு, நிகழ்வு, எதிர்வு என்று மூன்றாகப் பகுக்கின்றது.  இது இலக்கண விளக்கம் மட்டுமன்று; வாழ்வியல் விழுமியமும் ஆகும். அதாவது சென்ற கால மேன்மை தொடருமா ? மாறுமா?, மாற்றம் முன்னேற்றமாகுமா? போன்ற எண்ணங்கள் நிலையானவை; அனைவருக்கும் அனைத்திற்கும் பொருந்துபவை. இத்தகைய உலகளாவிய மாற்ற நிலையைக் காஞ்சி த் திணையில் தொல்காப்பியம் சுட்டுகின்றது. முன்னைய நிலையைச் சுட்ட முன்பு, பண்டு போன்ற சொற்கள் வழக்கிலும் செய்யுளிலும் தொன்றுதொட்டு ஆளப்படுகின்றன. இக் குறிப்புரை பண்டு என்னும் சொல்லால் வள்ளுவம் முன்னைய நிலை மாறியதைப் பதிவதை வெளிப்படுத்துகின்றது. காமத்துப்பாலில், பண்டறி யேன் கூற்றென் பதனை இனியறிந்தேன் பெண்டகையால் பேரமர்க் கட்டு (1083) நாணொடு நல்லாண்மை பண்டு டையேன் இ...
Read more