பொருளியல் – இலக்கிய நுகர் முறைமையைத் தெளிவிப்பது

புதுவை குழந்தைசாமி, பஞ்சலிங்கபுரம்

 

நுண்ணறிவால் இயற்றப்பட்ட தொல்காப்பியம் மூன்று அதிகாரங்களையும்  27 இயல்களையும் உள்ளடக்கியது.  ஒவ்வோர் இயலின் தலைப்பும் தன்விளக்கம் உடையதாகவும்  விளம்பு பொருளை அறிவிப்பதாகவும் இயல்கின்றது. உரையாசிரியர்கள் மற்ற இயல்களுக்குப் போலவே பொருளியலுக்கும் பெயர் விளக்கம் எழுதியுள்ளனர்.

53 நூற்பாக்களைக் கொண்ட, பொருளதிகாரத்தின் ஐந்தாம் இயலான இது, அதிகாரத் தலைப்பைப் பெற்றதாகும். ஆகவே அடக்குசொல்லான அதிகாரமும் அடங்குசொல்லான இயலும் ஒத்த நோக்கின; அதாவது இலக்கியப் பாடுபொருளை விளக்குவன. பொருளதிகாரம் ஒன்பது இயல்களில் இலக்கிய வகைமை, வடிவம், முருகியல், உணர்ச்சிகள், படைப்பாக்க நெறிமை, மரபுகள் ஆகியவற்றை விரிவாக எடுத்துரைக்க, பொருளியல் மற்ற எட்டு இயல்களிலும் கூறப்படாமல் விடுபட்ட செய்திகளையும் வழுவமைதியையும் ஒழிபியலாக அமைந்து விளக்குகின்றது. அதனால் இலக்கியப் பொருண்மை குறித்த ஒழிபுத் தகவல்களைக் கொண்ட, இலக்கிய நுகர் முறைமையைத் தெளிவிப்பதாக, இவ் இயலை, இலக்கியப் பொருண்மையியலின் நீட்சியாக / புறனடைப் பகுதியாகக் கொள்ளின் தெளிவு வசப்படும்.

  அதோடு தமிழ் இலக்கியப் பொருண்மையியலின் தொன்னூலாக அமைந்து, இத் துறைக்குத் தொல்காப்பியம் நல்குகின்ற பங்களிப்பு அறியப்படும். பொருலியலில் விளக்கப்படுகின்ற இலக்கியப் பொருள்நுகர் கொள்கைகள் உலகப்பாங்கின; ஒப்பிலக்கியத்தை வளர்ப்பன என்பது கூடுதல் சிறப்பாகும்.

நன்றி: இணையத் தரவுகள்                  ******

Comments

Post a Comment

Popular posts from this blog

தற்காலப் பொருண்மையியல் ஆய்வுக்குத் தொல்காப்பியத்தின் கருத்தளிப்பு

Image
        தற்காலப் பொருண்மையியல் ஆய்வுக்குத் தொல்காப்பியத்தின் கருத்தளிப்பு                                       ( முனைவர் ப. கொழந்தசாமி, புதுச்சேரி-605 008. பேச: 94863 66572 .)         தமிழின் தொன்மையான / தலைமையான இலக்கண நூலாம் தொல்காப்பியத்தில் எழுத்து சொல் ஆகிய அதிகாரங்களில் தமிழ் மொழியின் அமைப்புகளும் அவற்றின் இயங்கு முறையும், பொருளதிகாரத்தில் இலக்கியப் பொருண்மையும் விளக்கவியல் பாங்குடன் எடுத்துரைக்கப்பட்டுள்ளன. எழுத்து, சொல்   தொடர் ஆகியவற்றின் இலக்கணங்களை விளக்கும்போது மொழிப் பொருண்மைச் செய்திகள் ஆங்காங்கே தொல்காப்பியத்தில் சுட்டப்பட்டுள்ளன. இது குறித்துத் தொல்காப்பிய உரைகளில் காணப்படும் கருத்துகளையும் ஆய்வுக் கட்டுரைகள்/நூல்கள் கூறும் செய்திகளையும் தொகுத்து வகைதொகைப்படுத்தித் தனியான/முழுமையான ஆய்வை மேற்கொண்டால் அது இலக்கண இலக்கியப் புரிதிறனுக்கும் படைப்புக்கும் ஆய்வுக்கும் உறுதுணையாகும். மேலும் தமிழ் மொழிப்பொருண்மைக...
Read more
                                          பழந் தமிழில் ’நுனி’- கருத்தாய்வு ப. கொழந்தசாமி, அரசினர் ஆய்வு நிறுவனம், புதுச்சேரி உயர்தனிச் செம்மொழியான தமிழ் நீண்டு பரந்த வரலாற்றைக் கொண்டது. ஆயினும் பழந் தமிழ் வழக்காற்றை இன்றும் புரிந்துகொள்கின்ற வாய்ப்பும் உள்ளது. அந் நிலையில் ’நுனி ’ என்னும் மரத்தின் முனைப் பகுதியாக அமைகின்ற உறுப்பைக் குறிக்கின்ற ஒன்றன்பால் சினைப் பெயர் தொல்காப்பியம், சங்க இலக்கியம், திருக்குறள் ஆகியவற்றில் இயல்கின்ற பான்மையை எடுத்துரைப்பதாக இக் கட்டுரை அமைகின்றது. இதனால் பழந் தமிழ்ச் சொல்லாட்சியையும் அதன் பொருண்மைத் தொடர்ச்சியையும் அறியலாம். நுனி: சொற்பொருள் :             முதல், சினை என்று ஓர் உலகப் பொருள் இரண்டு நிலைகளில் வகைப்படுத்திப் பெயரிடப்படுகின்றது.  முதல் சினை உறவைத் தொல்காப்பியம் வேற்றுமை இலக்கணத்தில் விளக்குகின்றது. பொருண்மையியலிலும் இது ஆயப்படுகின்றது. சான்றாக,     ...
Read more
                                        பண்டு – நிலை மாற்றப் பொருண்மை புதுவை குழந்தைசாமி , பஞ்சலிங்கபுரம்                 தொல்காப்பியம் காலத்தை இறப்பு, நிகழ்வு, எதிர்வு என்று மூன்றாகப் பகுக்கின்றது.  இது இலக்கண விளக்கம் மட்டுமன்று; வாழ்வியல் விழுமியமும் ஆகும். அதாவது சென்ற கால மேன்மை தொடருமா ? மாறுமா?, மாற்றம் முன்னேற்றமாகுமா? போன்ற எண்ணங்கள் நிலையானவை; அனைவருக்கும் அனைத்திற்கும் பொருந்துபவை. இத்தகைய உலகளாவிய மாற்ற நிலையைக் காஞ்சி த் திணையில் தொல்காப்பியம் சுட்டுகின்றது. முன்னைய நிலையைச் சுட்ட முன்பு, பண்டு போன்ற சொற்கள் வழக்கிலும் செய்யுளிலும் தொன்றுதொட்டு ஆளப்படுகின்றன. இக் குறிப்புரை பண்டு என்னும் சொல்லால் வள்ளுவம் முன்னைய நிலை மாறியதைப் பதிவதை வெளிப்படுத்துகின்றது. காமத்துப்பாலில், பண்டறி யேன் கூற்றென் பதனை இனியறிந்தேன் பெண்டகையால் பேரமர்க் கட்டு (1083) நாணொடு நல்லாண்மை பண்டு டையேன் இ...
Read more