மதுரைக்காஞ்சியில் ”காழ்” – ஒப்புருப் பொருண்மை

புதுச்சேரி குழந்தைசாமி, பஞ்சலிங்கபுரம்

பாப் புனைவோர் மொழித்திறன் வாய்ப்பால் சொல் விளையாட்டில், ஒரே இலக்கண வகையில் ஒரு வடிவத்தில் பல கருத்தில் சொல்லைக் கையாளுகின்றனர். தமிழின் சொல் வளமும் பொருண்மைக் கட்டமைப்பும் இதை வாய்ப்பாக்குகின்றன. இந் நிலையில் மதுரைக்காஞ்சியில் காழ் என்னும் பெயர்ச்சொல் ஒப்புருச் சொல்லாக இயல்வதை விளக்குவதாக இக் குறிப்புரை அமைகின்றது.

·         காழ்: கருத்து:   காழ், பெயர்ச்சொல். (https://ta.wiktionary.org/wiki/%E0%AE%95%E0%AE%BE%E0%AE%B4%E0%AF%8D)

1.    மரவயிரம், விறகு, காம்பு, கழி

2.    மனவுறுதி

3.    கட்டுத்தறி

4.    தூண், கதவின் தாழ்

5.    ஓடத்தண்டு

6.    இரும்புக் கம்பி

7.    யானைப் பரிகோல்

8.    இரத்தினம், முத்து, மணிவடம்

9.    பளிங்கு

10.  பூமாலை, நூற்சரடு

11.  விதை, கொட்டை

12.  கருமை

13.  குற்றம்

 

இங்ஙனம் பல பொருள் கொண்ட இச் சொல், தொல்காப்பிய நூற்பா 365இல்  விதை என்றும், நூற்பா 1589இல் மரத்தின் உள்ளீடு என்னும் கருத்திலும் பயில்கின்றது. பத்துப்பாட்டுள் 782 அடிகளால் இயன்ற மதுரைக்காஞ்சியில் காழ் என்னும் பெயர்ச்சொல்,

            நறுங்காழ் கொன்று…… ( அடி 286)                                 = சந்தன மரம்

                வன்தொடர் பேணாது காழ் சாய்த்து ( அடி 382) = வலிமையான கட்டுத்தறிக் கம்பம்

            திண் காழ் ( அடி 449 )                                                             =  திண்ணிய கொடித் தண்டு

                ……. காழ் சாய்த்து ( அடி 621)                                                = சட்டக் கால்

             பரூஉக் காழ்…..((அடி 681)                                                    = ஆரம்

            திண் காழ் ஆரம் …. (அடி 715)                                            = சந்தன மர வயிரம்

            ஒண்காழ் ஆரம் … (அடி 716)                                     = வடம்

            காழ் மண்டு எஃகம்… (அடி 739)                                = வேலின் காம்பு

 

என்றவாறு ஒப்புருச் சொல்லாகப் பல கருத்தில் ஆளப்பட்டுள்ளது.

ஆயினும் திண்மை, வலிமை என்னும் பொருட்களத்தில் இவை இயல்கின்றன. இதனால் ஒரு பொருளின் திண்மை, வலிமை போன்றவற்றைத் தொல் தமிழர் அறிந்திருந்தமை வெள்ளிடைமலை. மேலும் இத்தகைய பொருண்மை விழிப்புணர்வோடு இலக்கியங்களை அணுகல் சீர்மை நல்கும்.

   நன்றி: இணையத் தரவுகள்                  ******  

  

Comments

Post a Comment

Popular posts from this blog

தற்காலப் பொருண்மையியல் ஆய்வுக்குத் தொல்காப்பியத்தின் கருத்தளிப்பு

Image
        தற்காலப் பொருண்மையியல் ஆய்வுக்குத் தொல்காப்பியத்தின் கருத்தளிப்பு                                       ( முனைவர் ப. கொழந்தசாமி, புதுச்சேரி-605 008. பேச: 94863 66572 .)         தமிழின் தொன்மையான / தலைமையான இலக்கண நூலாம் தொல்காப்பியத்தில் எழுத்து சொல் ஆகிய அதிகாரங்களில் தமிழ் மொழியின் அமைப்புகளும் அவற்றின் இயங்கு முறையும், பொருளதிகாரத்தில் இலக்கியப் பொருண்மையும் விளக்கவியல் பாங்குடன் எடுத்துரைக்கப்பட்டுள்ளன. எழுத்து, சொல்   தொடர் ஆகியவற்றின் இலக்கணங்களை விளக்கும்போது மொழிப் பொருண்மைச் செய்திகள் ஆங்காங்கே தொல்காப்பியத்தில் சுட்டப்பட்டுள்ளன. இது குறித்துத் தொல்காப்பிய உரைகளில் காணப்படும் கருத்துகளையும் ஆய்வுக் கட்டுரைகள்/நூல்கள் கூறும் செய்திகளையும் தொகுத்து வகைதொகைப்படுத்தித் தனியான/முழுமையான ஆய்வை மேற்கொண்டால் அது இலக்கண இலக்கியப் புரிதிறனுக்கும் படைப்புக்கும் ஆய்வுக்கும் உறுதுணையாகும். மேலும் தமிழ் மொழிப்பொருண்மைக...
Read more
                                          பழந் தமிழில் ’நுனி’- கருத்தாய்வு ப. கொழந்தசாமி, அரசினர் ஆய்வு நிறுவனம், புதுச்சேரி உயர்தனிச் செம்மொழியான தமிழ் நீண்டு பரந்த வரலாற்றைக் கொண்டது. ஆயினும் பழந் தமிழ் வழக்காற்றை இன்றும் புரிந்துகொள்கின்ற வாய்ப்பும் உள்ளது. அந் நிலையில் ’நுனி ’ என்னும் மரத்தின் முனைப் பகுதியாக அமைகின்ற உறுப்பைக் குறிக்கின்ற ஒன்றன்பால் சினைப் பெயர் தொல்காப்பியம், சங்க இலக்கியம், திருக்குறள் ஆகியவற்றில் இயல்கின்ற பான்மையை எடுத்துரைப்பதாக இக் கட்டுரை அமைகின்றது. இதனால் பழந் தமிழ்ச் சொல்லாட்சியையும் அதன் பொருண்மைத் தொடர்ச்சியையும் அறியலாம். நுனி: சொற்பொருள் :             முதல், சினை என்று ஓர் உலகப் பொருள் இரண்டு நிலைகளில் வகைப்படுத்திப் பெயரிடப்படுகின்றது.  முதல் சினை உறவைத் தொல்காப்பியம் வேற்றுமை இலக்கணத்தில் விளக்குகின்றது. பொருண்மையியலிலும் இது ஆயப்படுகின்றது. சான்றாக,     ...
Read more
                                        பண்டு – நிலை மாற்றப் பொருண்மை புதுவை குழந்தைசாமி , பஞ்சலிங்கபுரம்                 தொல்காப்பியம் காலத்தை இறப்பு, நிகழ்வு, எதிர்வு என்று மூன்றாகப் பகுக்கின்றது.  இது இலக்கண விளக்கம் மட்டுமன்று; வாழ்வியல் விழுமியமும் ஆகும். அதாவது சென்ற கால மேன்மை தொடருமா ? மாறுமா?, மாற்றம் முன்னேற்றமாகுமா? போன்ற எண்ணங்கள் நிலையானவை; அனைவருக்கும் அனைத்திற்கும் பொருந்துபவை. இத்தகைய உலகளாவிய மாற்ற நிலையைக் காஞ்சி த் திணையில் தொல்காப்பியம் சுட்டுகின்றது. முன்னைய நிலையைச் சுட்ட முன்பு, பண்டு போன்ற சொற்கள் வழக்கிலும் செய்யுளிலும் தொன்றுதொட்டு ஆளப்படுகின்றன. இக் குறிப்புரை பண்டு என்னும் சொல்லால் வள்ளுவம் முன்னைய நிலை மாறியதைப் பதிவதை வெளிப்படுத்துகின்றது. காமத்துப்பாலில், பண்டறி யேன் கூற்றென் பதனை இனியறிந்தேன் பெண்டகையால் பேரமர்க் கட்டு (1083) நாணொடு நல்லாண்மை பண்டு டையேன் இ...
Read more